Mar 30, 2010

*******

Matagal matagal din na huli kong binisita itong aking mumunting blog. (ang drama mo tsang!). Namiss ko nang muli ang magkwento at madami rin akong hindi nagawa. Alay umuwi ako duon sa aming prubinsiya eh!(Lam nyo na kung saan yun), ay walang internet hindi ko tuloy maani ang mga prutas at gulay na tinanim ko sa farmville. Namiss ko tuloy padalahan ang pinsan ko ng birthday greeting (kuya alex sorry po,,,). Asus! puro dahilan ka Mina.

Madami nangyari na sa akin at gusto kong ikwento sa inyong lahat yun. Nariyang sa sobrang inip e nakapagbasa po ako ng tatlong libro sa loob ng limang araw The Lightning Thief, Sleeping Beauty Suspect and Summer Hill (Ang sabihin mo Mina adik ka talaga!). halata nyo ba na wala akong ginagawa... Me binabasa pa ako ngaun... The Widow and the King, hahaha! mahaba haba ring upuan ito..

Madami akong dapat ikkuwento saka na lamang pagbalik ko dito sa Maynila, Basta! kailangang umuwi na ako at Biyernes Santo na! May ipinapabili lamang sa akin ang ate ko kaya ako andito sa Maynila. Sa muli...

****************

Mar 10, 2010

Babae


Babae...

This morning, there is a portion in Unang Hirit 2010 that they interviewed Mr. Jay Sonsa (I don't know if he is an independent candidate for V.President) and Ms. Jamby Madrigal (Presidential Candidate, an independent one). Accidentally, when I opened the television Mr. Sonsa was in the hot seat. (I love listening pa naman with candidates point of view. Nakakapagtaka, I am not interested with what he was telling. Never mind, maybe I am not in the mood by then.) Afterwards, Ms. Madrigal was in the hot seat. There are guests that ask her some questions, about family inheritance, corruption, ability and one question that strikes the most is how she directly accused that Mr. Manny Villar (a presidential candidate) was a land rober. Fearless, she answered all the questions against Mr. Villar. (Wow! that's the only thing I could tell. She is a very brave lady. I could compare her to Gabriela Silang by that time.)




As for now, Noynoy Aquino (a presidential candidate also) is my vote. But I admire Ms. Madrigal for being so brave. A good example of a Filipina. She is not that famous like the others but it's a good thing that she left a good mark with somebody like "me". (Oops! Nililinaw ko lang po, solid Noy-Noy ako!. Nagkataon lang na nagustuhan ko ang mga sagot niya at mga hirit kay Villar, na bentang benta talaga.)

Wow, Some Woman are so exceptional.

Mar 5, 2010

tsismosa

Naka-chat ko today ang college friend kong si "Yzel". At nakapag tsismis na ko kaagad. (tsismax) Well, ang headline namin e ang kaibigan ko si "Nhila". Si Nhila ay kaibigan namin na ever since the world began e hindi pa nagkakaboyfriend. Ngayon, hayun! at blooming na blooming. Bakit ba naman hindi sa wakas nagkaboyfriend na din siya.

I-kwento ko sa inyo kung pano ko nakuha ang balita. (I-narrate ba naman)

Ganito yun, I call her one month ago para magkita kami. Humihingi ng tulong kasi nawalan ng trabaho ang boyfriend ko and I know that she is the "one" who could help my bf. E di nagkita nga kami sa Market Market.

Nag-dinner kami, ibinigay ko sa kanya ang resume ng bf ko. After that, nagkumustahan. Eto na, eto na....

"Tej, i have something to tell you..." (Tej, tawag nya yun sa akin)
"Ano?!" medyo nakakunot ang noo ko, akala ko kasi me problema siya.
nakikita ko naman na mukhang naeexcite na siya sa gusto niyang sabihin. Ngumiti ako napaisip kung ano ba marahil yun.

"TEJJJJJJJ!!!! " pasigaw pa siya. "magkakaboyfriend na ata ako!" sobrang kilig na pag-amin niya sa akin. "Talaga!!!!!!" ako pa ang mas naexcite."Sino?!!!"

"Officemate ko!"

"Alam na ba sa inyo?" tanong ko, alam ko kasi na nagagalit pa rin ang nanay niya pag nagpapaligaw sila. (Gusto yata siyang tumandang dalaga nun, Joke!')

"Hindi nga." malungkot niyang bulalas. "Basta! Gusto ko na ata siya."

ATA? di pa pala sure ang loka nyan.

Marami pa siyang tinanong sa akin. nandun itanong niya kung nagsisine rin ba kami ng boyfriend ko, o kaya binibigyan din ba daw ako ng boyriend ko ng flowers. Hahaha! ang dami nyang tanong. Gusto ko tuloy aminin sa kanya na sa halos apat na taon na namin ng boyfriend ko e isang beses pa lang kami nakapag-sine na kami lang dalawa, "Tanging-Ina nyo Pang Lahat" ang pinanood namin. Actually, pitong beses kung susumahin ang bilang ng aming pagsisine, anim kasama ang mga friends at isa na kami lang dalawa. Teka lumalayo na ang istorya, Heto ang malupit, "Tej, wag mo akong isusumbong ha!"
Kunsintidor naman ako kaya ito ang sagot ko "OO naman..." (Teka! Kasabwat na ba nya ako?) Tinanong ko siya kung pwede ko bang ikwento sa mga friends namin. She said, "OKAY!" with a big grin.
Yun ipinamalita ko na sa mga friends namin, maging dun sa professor namin nung college ibinalita ko din... hahaha. (Tsismosa ba ako?)

Mar 2, 2010

Certified Tambay

Hay, naku ang buhay… parang gulong minsan nasa itaas ka minsan nasa ilalim ka…. Hay…. (drama mode).
Heto po ako andito sa kwarto maghapon, matapos magresign e di heto walang trabaho. Certified tambay. Bagong miyembro ng grupong PAL short for “Palamunin”.
Ang hirap pala din ng walang magawa, naroong maya’t maya kong binubuksan ang laptop para mag-internet o kaya naman ay maglaro lang ng solitaire (pampatanggal inip), naroong tatayo ako at muling uupo. Madalas uminom, bubuksan ang ref tapos isasara muli, lilinisin ang kwarto at guguluhin muli, makikinig ng music, manonood ng tv, kakain, tutulog….. makikipagkwentuhan…. WAAAAAH!!!!! Mas mahirap pa pala ito sa inaakala ko… nakakainip. Hindi ako sanay na walang ginagawa.
Bakit kasi nag-resign ako ng maaga, akala ko enjoy ang magpahinga kasi mula ng makapasa ako ng board diretso trabaho na, hindi na ko nakapagpahinga, kala ko kasi enjoy. HUHU! Ang hirap namang mangapitbahay, ang init init kasi… Maitim na nga mangingitim pa muli… Naku! Nakakainis ang ganito. Ang lalayo pa ng kapitbahay dito sa probinsiya.
Di na tuloy ako naniniwala dun sa kantang “Summer breeze makes me feel fine….” I don’t feel fine noh!
Kelan kaya ako mags-start sa bago kong trabaho naiinip na ko… hay….