Ang bakod

Mahigit isang taon na rin ng ilagay ang bakod sa aking ngipin. Madaming nagsasabi napaka-strict daw ng parents ko dahil pati mga ngipin ko ay nilagayan ng bakod.




Napakarami na rin ng aming pinagdaanan at pinagsamahan ng bakod na ito. Sa hirap at ginhawa kasi ay lagi kaming magkasama, dinamayan nya ako ng mga panahong lugaw lamang ang aking kayang kainin. Andiyang magkasama kami ng panahong di ko manguya ang bubble gum, andiyan ang panahong basang basa ang pisngi ko ng laway pagkakagising,,, magkasama rin kami sa mga panahong hindi namin makain ang chicharon, ang karneng baka, at ang masasarap na bagay. Napaka-over protective nga niya siya sa akin parating sumasabit ang kanin o dumadaan pa sa kanya bago ko makain. Napakatipid din ng bakod kong ito... Biruin nyo naman pagkakain ko parati na lamang siyang nagtitira. Sa iyo aking bakod paalam... di pa rin naman ako nagsasawa sayo ngunit inalis kana. Huwag mo ako sisihin aking bakod dahil hindi ako ang may kagustuhan nito. Sisihin natin si doktora...

NGunit inaamin ko aking bakod, minsan ay nakaroon din ako ng sama ng loob sayo. Ang hininga ko kasi ay tila nagiging amoy bawang minsan ng dahil sayo. Kay hirap hirap mong linisin... Parati mo pang tinatawag ang mga kumare at kumpare mong mga "singaw", hayun at pag kumakain ako ng maisim ay WoW suka ang mukha ko..... Madalas rin ay hindi ako makakain ng ice cream ng dahil sayo. Daig ko pa kasi ang salamin na parang mababasag sa sobrang ngilo. Hmp! pero kalimutan na natin iyon. Bati na tayo ngayon aking bakod.

Siguro naman ngayon makakatipid na ako kahit paano! Kay dami kasing toothbrush ang iyong winasak.. Di mabilang na mouthwash ang aking nagamit. Ang toothpick na ginagamit mong sandata pang-alis ng mga iyong kalaban at floss na iyong latigo sa mga gustong makisingit sa iyo aking ngipin.


Teka ng umalis ka maganda ang rin naman ang iniwan mo sa akin.... Gusto kong ipakilala sa inyong lahat ang aking bagong ngipin.. Presenting my brand new teeth.,,,, Bwahaha!!!! LOL.